( يجرح ويعصب )
صحيح الكلمتين ورا بعض بس بينهم رحلة ألم طويلة اوي
يجرح.. فعلآ ايديه هتجرحك ف عز الوقت ال بتصرخله من عمق وجعك
هايجي بسرعة فعلا بس المرة دي هيجي ب "مشرط"
مش بمسكن زي مانت متخيل
ويبتدي يعمل ف روحك أول جراحة سماوية
كلها صراخ وألم وده لأنه قرر المرة دي يشفيك بجد مش بس يسكن وجعك مؤقتآ
ويبتدي بعد مايفتح الجرح يغوط ف جروح قديمة كنت فاكرها اتشفت :(
يفضل يجيب كل اللغبطة المعشعشة جوا روحك من سنين
واول ما يخلص شغله فيك يبتدي علي نص الاية التاني
يعصب .. يبتدي يقفل الجرح ويخيطه يملاك بيه
هيرجع يطبطب عليك تاني بعد وقت طويل كان ساكت فيه مش بيتحرك
وبعد كده هتتفاجئ بنفسك قادر تعيش من غير مسكنات قادر تواجه الواقع المؤلم
بوعي كامل هتتفاجئ بهدوئك قدام التجارب
موصلتش للمرحلة دي غير لما ربنا شال اللغبطة والتوهان الجواك
بقيت مليان نور هتشوف وقتها ربنا ف مكانه الحقيقي انه معاك مش عليك
عملية صعبة ؟اه .
..مؤلمة؟ بامانة حد الموت :(
بس لو ماعدتش فيها هتفضل عايش ف موتك مش دايق طعم للحياة
بيجرحك بس عشان يعصب بعدها انت نفسك اللي كنت شايفه جاي يموتك
هاتكتشف بعد كل ده انه جه يموت "الموت اللي فيك عشان يخليك تعرف تعيش
متستعجلوش ايديه هو مسافة ماقفل وفتح غير فينا كتير
لانه يجرح ويعصب ..يسحق ويداه تشفيان
ليست هناك تعليقات:
إرسال تعليق